Një 44-vjeçar është arrestuar nga policia e Durrësit pasi ka tentuar të vrasë 21-vjeçarin me inicialet A.B. Sipas policisë së qytetit bregdetar gjatë ditës së djeshme në oborrin e lokal”Majestik”në Durrës është shtënë me armë zjarri.
Por pas hetimeve është arrestuar Arben Drazhi, 44-vjeç,banues në Durrës. Sipas policisë ai ka tentuar të vrasë më armë zjarri shtetasin 21-vjeçarin,banues në Shënavlash Durrës.
Nga kqyrja e mjetit BMV me targë AA325MB në pronësi të shtetasit A.B. janë konstatuar disa dëmtime me armë zjarri.
Në cilësinë e provës materiale në vendngjarje janë gjetur dhe sekestruar:
•një gëzhojë kalibër 9 mm,
•një predhë kalibër 9 mm e deformuar,
•një pistolete kalibër 9 mm dhe
•një krëhër me 9 fishekë.
Nga hetimet e kryera ka rezultuar se edhe shtetasi A.B. ka qëlluar në drejtim të lokalit,dhe për këtë arsye është bërë shpallja në kërkim dhe po punohet për kapjen e tij.
