Prej javësh një vajzë e re në Durrës është përndjekur nga ish-i dashur i saj, i cili i ka kërkuar të rikthehet me të. Specialistët për Krimet në Komisariatin e Policisë Durrës filluan procedimin penal në ngarkim të 29-vjeçarit N.M., banues në Durrës. Sipas të dhënave zyrtare, shtetasi i mësipërm, prej disa kohësh, në mënyrë të vazhdueshme, ka përndjekur shtetasen 26-vjeçaren me iniciale S.Ç., banuese në Durrës. Vetë e reja ka deklaruar në polici se prej tij ka kaluar ankth dhe stres.
“Më dërgonte mesazhe në mënyrë që të më takonte. Më ka krijuar ankth dhe stres në jetën time të përditshme, nuk duroj dot më”, ka pohuar e reja. Pas marrjes së denoncimit, policia e Durrësit ka nisur hetimet dhe ka proceduar penalisht 29-vjeçarin për veprën penale “Përndjekje”.
ma.me
