Kandidatja e djathtë për bashkinë e Durrësit, Grida Duma zhvilloi një tur takimesh entuziaste si në Katund të Ri, Kodër Sukth, Manëz, Sektor Rinia etj ku garantoi banorët e bashkisë së madhe të Durrësit se pas 21 Qershorit do nisë një kapitull i ri shprese. Duma tha se të gjithë do të përfaqësohen plotësisht, për të zgjidhur hallet dhe problemet e tyre.
“Ju kam partnerë dhe do të jeni të përfaqësuar plotësisht, si për problemet, si për njerëzit që keni këtu, dhe do marrim bashkinë e Durrësit jo vetëm për të qeverisur mirë por edhe të kthejmë faqen e historisë, që kapitulli tani fillon me shpresë”, tha Duma.
