Respekti për Dëshmorët e Atdheut nuk njeh ngjyresa politike dhe kjo është treguar më së miri mes dy kandidatëve për bashkinë e Durrësit ndërmjet kandidates së PD Grida Duma dhe kandidatit të mazhorancës Vangjush Dako.
Edhe pse jemi në prag fushate zgjedhore, kjo nuk i ka ndaluar dy kandidatët të cilët ndodheshin duke kryer homazhe në nder të dëshmorëve, të shtrëngojnë dorën me njëri-tjetrin duke uruar për një fushatë sa më të suksesshme nga të dyja palët.
Kjo është hera e parë që dy kandidatë të forcave kryesore politike në këtë qytet por edhe dy drejtues të këtyre partive politike marrin pjesë njëkohësisht në homazhet që zhvillohen çdo 5 Maj.
Duma ka anashkaluar rregullat e Partisë pasi në këtë iniciativë shoqërohej vetëm nga stafi i saj i ngushtë i fushatës, ndërsa nuk ranë në sy drejtues të tjerë politikë të Partisë Demokratike as depuetë, çka lë të kuptohet se vendimi për të marrë pjesë në ceremoni ka qenë personal.
Kandidatja e djathtë e pozicionuar në mesin e pjesëmarrësve, pasi dëgjoi fjalën e rastit të kundërshtarit të saj politik, Vangjush Dako vendosi edhe kurora me lule në Varrezat e Dëshmorëve.
Redaksia Online
(JavaNews.al)
