Kryetari i Partisë Bashkimi për të Drejtat e Njeriut, Vangjel Dule pretendon se Edi Rama ka humbur shumicën.
Në një prononcim për mediat nga Korçë, ai tha se numrat në Parlament janë thjeshtë formalë dhe kryeministri e jo opozita po bëhet pengesë për zgjedhjet e lira e të ndershme në Shqipëri.
“Mund të ketë formalisht për ditët e mbetura të këtij mandati një shumicë, por thjesht që i jep statusin e partisë së parë në Parlament, por ajo që është më e sigurt është disrakordanca mes numrave parlamentare dhe numrave në shoqëri.
Qeveria me shumicën formale në Parlament, është minorancë në shoqëri. Me këto qëndrime, fatkeqësisht, ai po i faturon vendit premisat për një histori perfekte në të gjitha drejtimet. Le një gjurmë nga më negativet të periudhës posttotalitare në vendin tonë”, u shpreh Dule.
a.ç
