Tomorr Alizoti duket se është dakord me kërkesën e Sali Berishës për largimin e Enkelejd Alibeajt si kryetar i Grupit Parlamentar të PD.
Në një deklaratë për mediat, Alizoti tha se pas zgjedhjeve të 6 marsit, kreu i grupit duhet të zgjidhet nga Grupi Parlamentar si një akt politik dhe unifikimi.
“Unë kam qëndrimet e mia dhe një prej tyre është që kryetari i grupit pas zgjedhejve të 6 marsit duhet të marrë një votëbesim në grupin e deputetëve sepse është në minorancë. Janë grupimet e ndara që e mbajnë peng. Berisha është pjesë e historikut të PD dhe prandaj demokratët i dhanë aq vota sa i dhanë. Minoranca nuk mund të ketë më shumë kapriço sesa mazhoranca. Mbledhjet e grupit parlamentar këto kohë kanë qenë si terapi ku secili shpreh mendimin e tij por nuk pritet ndonjë vendim. Nuk mund të ketë më përjashtime në PD,“- u shpreh Alizoti.
/b.h
