Një sinjalizim i bërë në polici, vuri në pranga një person në Tiranë për armëmbajtje pa leje i cili ishte dhe me masë sigurie “arrest shtëpie”.
Prangosja e tij u bë pasi u kap me pistoletë dhe fishekë.
I arrestuari është A. I., 48 vjeç, banues në Tiranë, me masë sigurie “arrest shtëpie” për veprat penale “Prodhim dhe shitje lëndësh narkotike” dhe Prodhim dhe mbajtja pa leje e armëve luftarake dhe municionit”.
Në sallën operative mbrëmjen e kësaj të hëne ka ardhur telefonatë nga qytetarët, se në rrugën e rezervave të shtetit është qëlluar në ajër me armë zjarri nga një mjet.
Shërbimet e policisë në bazë të karakteristikave të dhëna kanë bërë ndalimin e mjetit me drejtues shtetasin A. I., dhe pasagjerë vëllezërit R. E., 15 vjeç dhe E. E., 27 vjeç.
Në mometin e kontrollit policia ka gjetur një armë zjarri pistoletë e cila i përkiste 48-vjeçarit, e cila u sekuestrua bashkë me dy krehëra dhe 21 fishekë.
Ndaj të dyshuarit materialet iu referuan Prokurorisë së Tiranës, për veprat penale “Prodhim dhe mbajtja pa leje e armëve luftarake dhe municionit” dhe “Largimi i të burgosurit nga vendi i qëndrimit”.
/a.rada
