Nga gjatësia e gishtave deri tek forca e shtrëngimit, duart tona mund të zbulojnë faktorët e rrezikut për një sërë gjendjesh shëndetësore.
Gjatësia e gishtave zbulon rrezikun për t’u prekur nga artriti: Femrat që kanë gishtin e unazës me të gjatë se gishtin tregues janë më të rrezikuara të preken nga osteartriti tek gjunjët, sugjerojnë ekspertët. Nivelet e ulëta të estrogjenit mund të jenë njëri nga faktorët. Ndërsa tek meshkujt, gishti i sanëzës më i gjatë tregon se si do të bëjë më shumë fëmijë dhe do t’i trajtojë më mirë femrat, por do të jetë më i rrezikuar nga kanceri i prostatës.
Dridhja e duarve zbulon sëmundjen e Parkinsonit: Duart mund t’ju dridhen pasi keni konsumuar shumë kafeinë ose si pasojë e efekteve anëse që mund të kenë shkaktuar medikamente të caktuara, si ilaçet për astmën apo ato kundër depresionit. Por, nëse kjo gjendje ripërsëritet vazhdimisht (dhe nuk ka lidhje me moshën), atëherë duhet të kontrolloheni tek një mjek. Dridhja tek vetëm njëra dorë mund të jetë shenjë e sëmundjes së Parkinsonit.
Ngjyra e thonjve zbulon problemet me veshkat: Gjatë një studimi të kryer nga hulumtuesit shkencorë indianë, ata zbuluan se nga 100 pacientë që vuanin nga sëmundja kronike e veshkave, 36% e tyre kishin thonj me dy ngjyra (gjysma e thoi ishte në ngjyrë të bardhë, ndërsa gjysma tjetër ishte kafe). Kjo gjendje mund të shkaktohet nga rritja e përqendrimit të hormoneve të caktuara dhe anemisë kronike, të dyja këto veçori të sëmundjes kronike të veshkave.
Forca e shtrëngimit të duarve zbulon shëndetin e zemrës: Sipas një studimi të publikuar tek revista “Lancet”, ku janë përfshirë gati 140 mijë të rritur në 17 shtete, forca e shtërngimit të duarve mund të parashikojë rrezikun për të pësuar një sulm në zemër ose goditje në tru. Sipas ekspertëve, forca e shtrëngimit të duarve është një parashikues m i mirë i vdekjeve se tensioni i gjakut. Ata rekomandojnë që të bëni sa më shumë ushtrime aerobike për të ulur rrezikun për t’u prekur nga sëmundjet e zemrës.
Djersitja e duarve zbulon hiperhidrozën: Djersitja e tepërt e duarve mund të jetë një simptomë e menopauzës ose të një problemi me tiroidet, si dhe hiperhidrozës, ku gjëndrat superaktive të djersës shkaktojnë më shumë djersitje seç duhet. Shumica e njerëzve me këtë gjendje djersitin jo vetëm tek duart, por edhe poshtë krahëve apo tek këmbët.
Gjurmët e gishtave zbulojnë tensionin e lartë të gjakut: Gjatë një studimi të kryer nga një grup hulumtuesish shkencorë britanikë, u kontrolluan gjurmët e gishtave të 139 njerëzve. Në fund të studimit shkencëtarët zbuluan se njerëzit që i kanë gjurmët e gishtave në formë spirale , janë më të rrezikuar që të vuajnë nga tensioni i lartë i gjakut. Këto shenja formohen që në mitër dhe kanë ndikim tek tensioni i gjakut me kalimin e moshës.
c.a
