Dhjetëra qytetarë dhe aktivistë kanë dalë sot në protestë para Ministrisë së Brendshme dhe asaj të drejtësisë për vrasjen e Sabrina Bengaj nga ish-bashkëshorti i saj Elton Metaj me kallashnikov. Protesta për Sabrinën janë zhvilluar dhe në qytetin e Fierit për të kërkuar drejtësi.
Gra, vajza dhe djem me pankarta nëpër duar kanë kërkuar që Elton Metaj t’i jepet dënimi i merituar dhe të rritet ndëshkimi i të gjithë atyre që vrasin gratë.
“Duam drejtësi, Vrasja e grave dhe vajzave është pandemi, ku janë vaksinat?!”, janë disa nga shprehejt që protestuesit kanë thënë.
Kujtojmë se Sabrina u vra nga ish-bashkëshorti me të cilin kishte edhe një vajzë të vogël. 23-vjeçarja nga Fieri sapo ishte kthyer nga puna dhe ishte duke ngrënë darkë. Eltoni hyri në shtëpi dhe e vrau vajzën para nënës dhe kunatës së saj.
/a.r
