Nominimet për edicionin vjetor të Grammy-ve 2025 u publikuan zyrtarisht të premten, ku Beyonce, Taylor Swift dhe Chappel Roan shfaqen të spikatura në shumë nga kategoritë kryesore.
Megjithatë, disa emra të njohur u lanë jashtë kategorive kryesore, si Ariana Grande, e cila këtë vit publikoi albumin e saj të shtatë në studio, Eternal Sunshine.
Reagime të shumta shpërthyen në rrjetet sociale, ku ndjekësit shprehën pakënaqësi.
Pavarësisht kësaj, Ariana Grande nuk ishte e vetmja.
Artistja shqiptare me famë ndërkombëtare, Dua Lipa, gjithashtu u injorua nga Grammy këtë vit, duke mos marrë asnjë nominim për albumin e saj të ri Radical Optimism, shkruan DailyMail. Albumi mori vlerësime pozitive nga kritikët dhe arriti në vendin e dytë në Billboard 200 në SHBA, si dhe në pozitën e parë në tabelën e albumeve në Mbretërinë e Bashkuar.
Kënga “Training Season” u pozicionua gjithashtu lart në listën e U.S. Hot Dance/Electric Songs dhe në Billboard Hot 100 në SHBA.
Disa këngë të tjera nga albumi, përfshirë “Houdini” dhe “Illusion”, u renditën gjithashtu në lista të ndryshme globale.
Ndër artistët e tjerë që u injoruan këtë vit nga Grammy janë Cher, Hozier, Nicki Minaj, Lisa (BlackPink) dhe Megan Thee Stallion.
/a.r
