Një person rreth 60 vjeç ka hipur pasditen e sotme në vinçin e një pallati në ndërtim.
Bëhet fjalë për pallatin përballë Katedrales Ortodokse në Tiranë, ndërsa shtetasi dyshohet të jetë ish i persekutuar politik që kërkon dëmshpërblimin e burgut.
Zona mësohet të jetë rrethuar nga policia dhe forcat zjarrfikëse ndërsa pritet të negociohet me shtetasin.
Mësohet se personi është Xhemal Zhuri, i cili ka tentuar edhe në vitin 2012 dhe 2015 hipjen mbi vinç duke kërcënuar.
Sipas policisë, shtetasi në fjalë ka hipur në vinç pasi nuk ka marrë këstin e 6-të të dëmshpërblimit për vitet e burgut gjatë diktaturës. Në momentin e parë që është ngjitur në lartësi mësohet se Zhuri ka thirrur “Dua lekët e mia”. Ndërkohë policia ka ngritur perimetrin e sigurisë rreth objektit.
/b.d
VIJON…
