Një shqiptar në Gjermani thotë se cenohet nga myslimanët prandaj kërkon azil politik.
Shqipëria shquhet si vend tolerance, por shqiptari në përpjekje për të përfituar azil ka nxjerrë këtë pretendim. Ai thotë se në vitin 2002, dikush i ka thënë të shkonte në xhami.
Lajmin e shkruan një gazetë në Frankfurt, e cila merret me historinë e shqiptarit Sokol Qafa. Ai duhet të largohet nga Gjermania brenda 7 ditësh dhe kthimi sigurisht është në Shqipëri.
“Në Shqipëri? Kurrë më atje”, thotë 37-vjeçari.
Megjithëse vet është mysliman, Sokoli thotë se dikur i interesonte feja e krishterë. Madje, për ta bërë sa më real skenarin, ai thotë se është qëlluar me tre plumba kur nuk kishte pranuar të shkonte në xhami.
