Një 35-vjeçar me origjinë shqiptare është arrestuar së fundmi në Itali pasi kishte fshehur drogë në furrën e bukës ku punonte.
Mediat italiane raportojnë se 35-vjeçari shqiptar me profesion furrtar u arrestua për posedim droge për qëllime trafiku.
Gjatë kontrollit në furrën në Genova, policët gjetën hashash të ndarë në pako dhe të fshehur në thasët me miell në magazinë. Më tej, në banesën e 35-vjeçarit u gjetën edhe 9 mijë euro cash, të cilat dyshohet se janë të ardhura nga tregtia e drogës.
Furrtari shqiptar u arrestua dhe është në pritje të seancës së verifikimit dhe njohjes së masës ndaj tij./m.j
