Policia e Lezhës ka sekuestruar 1.2 kg lëndë narkotike e dyshuar kanabis, një armë zjarri automatik dhe municion luftarak, ndërsa arrestoi një 26-vjeçar si posedues të tyre.
Operacioni i koduar “Diga” u zhvillua në bazë të informacioneve të marra në rrugë operative, se në fshatin Qafë Mollë, Mirditë, një person posedonte në banesë lëndë narkotike dhe armë zjarri pa leje.
Si rezultat u bë kapja dhe arrestimi i shtetasit A. K., 26 vjeç, banues në fshatin Qafë Mollë, Mirditë. Ai do të përballet me drejtësinë për veprat penale “prodhimi dhe shitja e narkotikëve” dhe “armëmbajtja pa leje”.
g.kosovari
