Një operacion i madh antidrogë në Derven të Krujës u realizua këtë mbrëmje, nga ku u kapën 1.2 ton kanabis dhe u shoqëruan rreth 6 persona. Pas këtij lajmi, në rrjetin e tij social, Lulzim Basha shkruante se droga është e kryebashkiakut Artur Bushi, si dhe se operacioni është kryer nga prokuroria dhe SHISH.
Por pjesën e fundit të kësaj deklarate e ka përgënjeshtruar gazetari Artan Hoxha, i cili po përmes një statusi ka shkruar se në vendngjarje nuk ka fare prokurorë, e jo më agjentë të SHISH.
“Sapo kam shkelur në vendngjarje, në Fushë Kruje. Gjatë rrugës po ndiqja mediat në lidhje me këtë operacion antidroge.
Disa thonë se operacionin po e kryen prokuroria për Krime të Rënda dhe SHIK, madje se e drejton kreu i prokurorisë Besim Hajdarmata. Pash zotin kolegë që merreni me këtë punë, mos u tallni.
Edhe një fillestar në rrugë e di që prokuroria dhe SHIK nuk kanë njësi operacionale dhe nuk kryejnë veprime operacionale me trupa ndërhyrje në terren. Që të jemi korrekt, këtu nuk ka asnjë prokuror, madje as për fare.
Janë vetëm Opgj (oficerët e policisë gjyqësore), katër grupe të Forcave Speciale nga Tirana me 40 trupa dhe policia lokale e Krujës.
Rreni, por me lezet, mos e beni balte. Se na i bete prokuroret e krimeve te renda si Cak Norris duke bredhur neper Fushe Kruje me allti ne Dore… behuni fresk po jo aq shume sa tu fusni plevitin…, shkruan Hoxha në Facebook./java/a.k
