Policia italiane ka arrestuar 7 persona, disa prej tyre shqiptarë duke shkatërruar një bandë trafiku droge nga Shqipëria në drejtim të Italisë. Urdhër arrestet sipas medieve italiane janë ekzekutuar mëngjesin e sotëm nga karabinierët e Riccione-s, nën drejtimin e antimafias së Bolonjës.
Nga operacioni janë sekuestruar sasi të konsiderueshme kokaine dhe marijuane, të cilat sipas medieve italiane, transportoheshin nga Shqipëria në Itali me avionë të vegjël, por nuk specifikohet data se kur është trafikuar lënda narkotike.
Për operacionin në Itali ka reaguar edhe Policia shqiptare duke sqaruar se operacioni është i vitit 2015, ndërsa tani po zbatohen fletë-arrestet.
NJOFTIMI I POLICISË
Lidhur me lajmin per operacionin antidroge ne Itali, rezulton se eshte procedim i disa viteve me pare dhe po zbatohen flete arrestet e Prokurorit të DDA së Bolonjës pas apelimit që kishin bërë 7 prej personave të akuzuar në 2015.
Operacioni eshte i vitit 2015 i koduar “Free-Flight”, operacion ky i zhvilluar ne bashkepunim me Policine shqiptare
a.ç
