Dritan Ylli, aktualisht Drejtor i Inspektoratit Shtetëror të Punës dhe i Sigurimeve Shoqërore ka zyrtarizuar kandidimin e tij për postin e Sekretarit të Përgjithshëm të LSI-së.
Ai i ka dërguar një letër Luan Ramës, që mban aktualisht këtë post ku zyrtarizon garimin e tij në Konventën e LSI-së që mbahet në datat 3 dhe 4 Dhjetor.
Dritan Ylli është shprehur se nëse zgjidhet Sekretar i Përgjithshëm i Lëvizjes Socialiste për Integrim, do të japë dorëheqjen nga posti i Drejtorit të Inspektoratit Shtetëror të Punës dhe të Sigurimeve Shoqërore për t’iu përkushtuar tërësisht organizimit të partisë./a.m.
