Mjekët nuk japim më asnjë shpresë për Dritan Demiraj, shqiptarin e dënuar me burg përjetë për vrasjen e ish të dashurës dhe të dashurit të saj në Itali. Mediat italiane shkruajnë sot se shqiptari, i cili u masakrua në burg nga një ish-boksier rumun, edhe ai i dënuar, prej prillit të shkuar ndodhet në koma, por tashmë mjekët i kanë hequr të gjitha shpresat se ai mund të ketë shanse jete.
“Rrezikon të mos arrijë në procesin gjyqësor të apelit, fiksuar për në 1 mars”- shkruajnë mediat italiane. Ai u masakrua me grushte në burg, pas një sherri, që u raportua të ishte për motive banale. Shqiptari ndodhet i shtruar në një klinikë private Riminese.
“Nuk ka më asnjë shans që ta marrë veten”- konfirmon avokati i tij Massimiliano Orrù, sipas të cilit, gjithçka nga fundi i tij është vetëm cështje kohe. Te koka i rrinë prindërit, veçanërisht e ëma, që qëndron me javë të tëra te koka e të birit në atë shtrat nga i cili mjekët thonë se nuk do të ngrihet i gjallë.
ma.me
