Ministrja e Shëndetësisë Ogerta Manastirliu ka ndarë mëngjesin e sotëm disa rrëfime të të moshuarve që kanë marrë “Sinovac”, në ditën e dytë të vaksinimit masiv.
Ata thonë se janë të lumtur për nisjen e këtij procesi, ndërsa ka nga ata që fillimisht kanë qenë skeptikë për marrjen e vaksinës.
Manastirliu thotë se drita në sytë e gjysheve dhe gjyshërve që sot janë më të mbrojtur nga vaksinimi masiv në të gjithë vendin, e mbush me gëzim.
“Drita në sytë e gjysheve dhe gjyshërve që sot janë më të mbrojtur nga covid19, falë vaksinimit masiv në të gjithë vendin, më mbush me gëzim”, shkruan ministrja.
‘Faleminderit që po interesoheni që të na ruhet jeta. Shumë besim nuk kishim. Mezi e prisja se thashë kur i vjen moshës time’– shprehen disa të moshuar.
Në ditën e dytë të vaksinimit masiv të grupmoshës mbi 70 vjeç, në të gjithë vendin u kryen 20 414 vaksinime në total.
g.kosovari
