Raportohet se aktorja e njohur Drew Barrymore ka paraqitur kërkesën për shkurorëzim disa muaj pas njoftimit se ajo është ndarë nga burri i saj, Will Kopelman.
Sipas “The New York Daily Neës”, aktorja ka paraqitur kërkesën për shkurorëzim nga Kopelman pas katër vitesh martesë, transmeton Koha.net. Ish-çifti, i cili ka konfirmuar ndarjen në muajin prill, kanë dy vajza – Olive, 3 vjeçe, dhe Frankie, 2 vjeçe.
“Fatkeqësisht, familja jonë është duke u ndarë në mënyrë të ligjshme, megjithatë kjo ndarje nuk na bën të ndjejmë se nuk jemi familje”, ka thënë çifti në deklaratën e përbashkët kur kanë njoftuar për ndarjen e tyre.
“Shkurorëzimi mund t’ju duket si dështim, por në fund të fundit do ta kuptoni se jeta vazhdon. Fëmijët tanë janë universi ynë, dhe ne presim me padurim që ta jetojmë pjesën tjetër të jetës sonë me ta si prioritet i parë”, ka thënë çifti.
Në muajt në vazhdim pas ndarjes së tyre, ylli i filmit “Blended” ka vazhduar që veten ta mbajë të angazhuar duke punuar në shumë projekte të reja.
Aktorja Barrymore ka qenë e zënë duke promovuar librin e saj, “Wildflower”, dhe duke lansuar brendin e saj të verës. (b.an)
