Ministri i Brendshëm, Saimir Tahir ka zhvilluar sot një takim me kryeprokurorin Adriatik Llalla.
News24 ka bërë të ditur se Tahiri ka drekuar me Llallën në një nga lokalet e kryeqytetit për rreth 1 orë. Sakaq, nuk dihet ende motivi i takimit mes dy krerëve. Fill pasi kanë lënë ambientet e lokalit, Tahiri dhe Llalla nuk kanë dashur të flasin për mediat.
Gazetarja Dorjana Bezat raportoi për BalkanWeb se ata kanë dalë të nervozuar nga lokali, ndërsa nuk i kanë dhënë dorën jashtë njëri-tjetrit. Po ashtu, Tahiri e kryeprokurori kanë zgjedhur që edhe rrugët ti bëjnë të ndara, ku Llalla hipi menjëherë në automjetin e tij, ndërsa ministri eci për rreth 20 metra në këmbë e më pas u fut në mjet.
Takimi vjen pas disa ngjarjeve të rënda, siç është grabitja e 30 qershorit në Rinas. Persona të maskuar dhe armatosur grabitën një shumë afro 1 milion euro, që i përkisnin një banke të nivelit të dytë.
BW/d.i.
