Kreu i PD Lulzim Basha drekoi sot me ministrat teknikë të propozuar nga vetë ai. pas këtij takimi, ka reaguar Ministri i Brendshëm në detyrë Dritan Demiraj, i cili shkruan se “ishte privilegj që shërbeu në këtë detyrë”.
Po ashtu, ai falenderon Bashën për besimin dhe vlerëson bashkëpunimin me kolegët e tjerë.
“Të nderuar miq! Ishte nder dhe privilegj që shërbyem për rreth 4 muaj në detyra si ministra të qeverisë. Falënderoj z. Lulzim Basha për besimin, mbështetjen dhe nominimin. Gjithashtu ishte privilegj bashkëpunimi me Znj Ledina Mandia, znj Xhulieta Kërtusha, Znj Helga Vukaj dhe Znj Mirela Karabina, Doktor Arben Beqiri dhe Z. Gazmend Bardhi. Takimi dhe dreka e sotme as më pak as më shumë konfirmojnë bashkëpunimin e gjatë në interes të çdo qytetari shqiptar, për një demokraci të prekshme nga çdo qytetar dhe për një qeverisje shumë më të mirë”, shkruan Demiraj.
/a.m.
