7 operacione kanë zhvilluar forcat RENEA në Lushnje dhe rrethinat e qytetit për të arrestuar Orges Bilbilin. Në të gjitha këto operacione sekrete, Orges Bilbili dhe shoku i tij Laert Haxhiu kanë shpëtuar.
Plagosjen e tij dhe arrestimin në Tiranë nga një punonjës policie gjatë kohës së pandemisë së koronavirusit, teksa lëviste në rrugën “Sitki Çiço”, në afërsi të një shkolle, e komentoi sot edhe Drejtori i Përgjithshëm i Policsë së Shtetit, Ardi Veliu i ftuar në emisionin “Kjo Javë” në News 24.
Ardi Veliu tha se punonjësi i policisë në këtë rast është treguar profesionist dhe i është përmbajtur të gjithë protokollit.
“Punonjësit e policisë kanë mision dhe detyrë që në cdo kohë që ballagaqohen me element krimi të bëjnë gjetjen dhe kapjen e tyre. Punonjësi në këtë rast bëri detyrën, kishte përballë një person të armatosur që madje që i drejtoi armën. Ai u tregua si profesionist, reagoi më shpejt. Në këtë situatë fatkeqësisht patëm një person të dëmtuar, i kërkuam falje, e takuam në spital. Është një ngjarje që që nuk duhet të ndodhte, por punonjësi i policisë ka qënë brenda të gjitha protokolleve që përcakton përdorimi i armës së zjarrit në kushtet e vetëmbrojtjes”,- tha Veliu.
I pyetur nëse kishin informacion për vendndodhjen e tij, Veliu tha: “Numri i personave në kërkim të kapur ka qënë i admirueshëm këto ditë. Edhe për personin në fjalë janë organizuar disa operacione, jo në të gjitha operacionet janë të suksesshme, edhe për këtë rast apo person janë organizuar disa operacione, ne kemi patur informacione për vendndodhjet e tyre, pra kanë qënë në vende të ndryshme dhe nuk ia kemi dalë ti kapim në raste të tjera”.
A ka sjellë ky arrestim zbardhje të krimeve apo persona të tjerë të përfshirë në krime me të? Kësaj pyetjeje Veliu nuk i është përgjigjur, duke thënë: “Po hetohet, janë cështje të hetimit këto, le t’ua lëmë atyre të bëjnë punën e tyre”.
g.kosovari
