Policia ka arrestuar një shtetas në Elbasan, i cili drejtonte mjetin në gjendje të dehur.
I arrestuari është Mendar Cani, 28 vjeç, banues në fshatin Valas Elbasan.
Ky shtetas, u arrestua nga efektivat e policisë gjatë ditës së djeshme, pasi duke drejtuar mjetin tip “Mitsubishi” me targa AA 035 DV, në aksin rrugor Elbasan-Cërrik, në vendin e quajtur “Kryqëzimi i Belshit”, në gjëndje të dehur ka humbur kontrollin e mjetit dhe është përplasur me bordurën anësore të murit.
Si pasojë janë dëmtuar pasagjerët, shtetasit: K.Ç, 27 vjeç, A.Ç, 29 vjeç, të dy banues në Elbasan, të cilët u dërguan në spitalin Kirurgjik Elbasan dhe ndodhen jashtë rrezikut për jetën.
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale Shkelja e Rregullave të Qarkullimit Rrugor dhe “Drejtimi i automjetit në gjëndje të dehur” parashikuar nga nenet 290 dhe 291 të Kodit Penal. (java / r.a)
