Kryeminsitri Edi Rama përshëndeti konsensusin e arritur mes mazhorancës dhe opozitës për miratimin e reformës në drejtësi. Pas deklaratës konfirmuese të Bashës për arritjen e akordit, Rama doli në një konferencë në kryeministri ku ai theksoi se u arrit një marrëveshje historike për të revolucionarizuar drejtësinë. Rama tha se vijat e kuqe të vendosura nga ndërkombëtarët nuk u prekën, duke cituar edhe një pjesë të letrës së komisionerit Hahn.
“Është kënaqsi të ndaj me ju tekstin e mesazhit që unë, kryetari i Kuvendit, kryetari i Kuvendit e opozitës kemi marë nga BE nëpërmjet komisionerit Hahn. ‘I dashur kryeministër, i dashur spiker, i dashur kryetar i PD, në vijim të bisedave telefonike dje dhe sot do doja që të ëprsërisnim pikat e mëposhtme të të quajturit propozim hibrid të cilat i keni në tavolinë. Këto pika janë vijat e kuqe të komunitetit ndërkombëtar sikundër e kemi theksuar. E para roli i OMN duhet të ketë një bazë solide të ligjshme brenda kushtetutës së Shqipërisë. E dyta, siç keni thënë gjatë gjithë procesit, nga Operacioni i Monitorimit do të ketë rekomandime të detyrueshme me argumenta për vendimin e marë’.
Kjo do të thotë që vijat e kuqe ishin aty, dhe do të mbeten aty pa lëvizur me votimin unanim. Që do të thotë se falë këtyre vijave të kuqe, kjo reformë ka garantuar vijën mbrojtëse nga çdo përpjekje për të penguar revolucionin në drejtësi me mjetet e korrupsionit politik apo financiar.
Për ata që shpallën fitore: jam shumë i gëzuar që PD u bë pjesë e kësaj fitoreje të madhe për Shqipërinë. E dyta, jam gëzuar po ashtu, që përpjekja për t’i shpallur luftë BE dhe SHBA rezultoi flluskë sapuni”, deklaroi Rama./a.m.
