Kryetari i Kuvendit Ilir Meta ka dhënë një deklaratë për mediat në lidhje me reformën në drejtësi. Pas dështimit të arritjes së konsensusit në mbledhjen e djeshme të Komisionit të Reformës, Meta tha se ekzistojnë të gjitha mundësitë që të gjendet konsesusi, por sipas tij duhet vullnet nga palët. Ai nuk përjashtoi edhe dialogun politik për të gjetur një zgjidhje.
“Baza e konsensusit është shumë e gjerë sepse buron nga mëbshtetja e mbi 90 % e shqiptarëve.
Të gjithë i kanë pranuar rekomandimet e “venecias”. Tani duhet më shumë vullnet për të qenë më shumë racional dhe për të bërë një interpretim më objektiv të rekomandimeve të “Venecias”.
Kemi të bëjmë me 10 çështje që PD synon që të zgjdhen apo diskutohen sipas këndvështrimit që ajo ka, që do të thotë se me më shumë durim dhe vullnet absolutisht që është tërësisht e mundur që të gjendet zgjidhja. Nuk përjashtojmë asnjë mundësi që ndihmon për të forcuar klimën e mirëbesimit dhe vullnetin për ta mbyllur këtë reformë. I kemi mundësitë që të gjejmë konsensusin”, tha Meta.
Më tej ai shprehu zhgënjimin e tij për mosgjetjen e gjuhës së përbashkët në mbeldhjen e djeshme. Meta tha se reforma duhet miratuar sa më shpejtë pa asnjë vonesë, nën frymën e “Venecias”.
“Të gjitha ata që kanë pritur që dje do të përfundonte reforma, kemi arsye për të qenë të zhgënjyer. Jam shumë dakord me atë që tha zoti Braho që për 90 % të paketës ka dakorëdësim. Kanë mbetur disa çështje që thjesht kanë nevojë vlerësim, interpretim sa më objektiv dhe funksional.
Qëndrimi i LSI është që kjo reformë duhet të mbyllet sa më shpejtë duke respektuar standartet e Venecias”, tha më tej Meta.
