Komisioni i Posaçëm për reformën në drejtësi është mbledhur sërish sot ku ka diskutuar nen për nen ligjin për funksionimin e prokurorisë. Pas mbeldhjes deputeti socilaist Ulsi Manja dha jnë deklaratë të shkurtër për mediat.
“Sot i dhamë fund shqyrtimit nen për nen të projektligjit për Prokurorinë, patëm edhe një relatim për strukturat e posaçme kundër korrupsionit dhe krimit të organizuar ajo që quhet SPAK. Puna në komisioin vazhdon sipas kalendarit dhe paketa e ligjeve do të mbyllet sipas kalendarit”, tha Manja.
Më tej deputeti socialist deklaroi se paketa është realizuar nën përkujdesjen e ekspertëve më të mirë venas e të huaj. Ai tha se mirëpritet cdo sugjerim i opozitës por edhe funksionarëve të sistemit aktual.
“Shqyrtimi i ligjeve është bërë me ekspertizën më të mirë vendase dhe të huaj. Natyrisht edhe ekspertët e PD kanë pasur të gjithë të drejtën dhe mundësinë për të dhënë kontributin e tyre. Ne presim sugjerimet jo vetëm të opozitës por edhe çdo gjyqtari e prokurori në sistem”, deklaroi më tej Ulsi Manja./a.m.
