Sekretari i Përgjithshëm i PS-së, Taulant Balla priti sot në një takim familjarë të protestuesve, të cilët mbetën të vrarë në protestën e 21 janarit në Bulevardin Dëshmorët e Kombit.
Me anë të një postimi në rrjetin e tij social Facebook, Balla shkruan se 4 dëshmorët, Ziver Veizi, Faik Myrtaj, Hekuran Deda dhe Aleks Nika, u qëlluan pabesisht në protestën popullore, në mbrojtje të vlerave dhe parimeve të demokracisë.
Sipas Ballës, shqiptarët presin nga Drejtësia e re zbardhjen e plotë dhe ndërshkimin e fajtorëve për këtë krim të rëndë.
“Sot 9 vite nga 21 Janari 2011💔! Nderim dhe respekt dëshmorëve🇦🇱 Ziver Veizi🌹, Faik Myrtaj🌹, Hekuran Deda🌹 dhe Aleks Nika🌹, të cilët u qëlluan pabesisht në protestën popullore, në mbrojtje të vlerave dhe parimeve të demokracisë në Shqipëri.
Shqiptarët presin nga Drejtësia e re zbardhjen e plotë dhe ndërshkimin e fajtorëve për këtë krim të rëndë“, shkruan Balla.
Nga protesta mbetën të vrarë; Aleks Nika, Ziver Veizi, Hekuran Deda dhe Faik Myrtaj. Gjykata vlerësoi se vrasja e Ziver Veizit, Faik Myrtajt dhe Hekuran Dedajt kanë ndodhur nga pakujdesia dhe dënoi ish-komandantin e Gardës, Ndrea Prendi me një vit burg, si dhe gardistin Agim Llupo me 3 vite. Ajo që nuk është përcaktuar ende është arma nga u qëllua Aleks Nika, sepse plumbi që kishte bërë rikoshet rezultoi mjaft i dëmtuar.
g.kosovari
