kryesoreDuke folur për historinë amerikane, Ambasadori i SHBA Donald Lu u përpoq t’i tregoje të rinjve gjatë një konkursi për këtë histori se politika shqiptare mund t’i referohet për të gjetur shembuj suksesi.
Dhe duket se sot kur Shqipëria siç tha ambasadori për përjeton ndryshime të jashtëzakonshme, ka një fazë ku palët duhet te ndalen dhe të bashkëpunojnë dhe ajo është reforma në drejtësi.
Lu:Unë mendoj se edhe shoqëria juaj po kalon nëpërmjet ndryshimeve mahnitëse dhe pozitive. Po bisedoja me një mikun tim, i cili po ndihmon në ndryshimet e reformës për drejtësi në Kushtetutën shqiptare. Unë i thashë që shpresoja se ai ishte duke mbajtur shënime, që një ditë të tregonte historinë e pabesueshme se si një grup i vogël ekspertësh ligjorë të guximshëm, punuan ditë e natë për muaj të tërë, për të shpëtuar këtë vend nga një sistem i korruptuar dhe i politizuar prokurorësh dhe gjykatësish. Ashtu si Aleksandër Hemilton, ata po punojnë përballë presionit të elitave politike dhe politikanëve të fuqishëm, për të shkruar një Kushtetutë për këtë vend, e cila do t’i rrezistojë shekujve të ardhshëm.
Në përpjekje për të nxitur një udhë dialogu për reformën drejtësi për të cilën, ambasadori amerikan është investuar aq shumë, ai i takua edhe me kryetarin e kuvendit Ilir Meta pak pas mesdite, në një kohë kur 33 deputetët të shumicës kanë shfrytëzuar mekanizimin kushtetues të një kërkese që mban firmat e tyre për të përfshirë në procedure parlamentare paketën e ndryshimeve kushtetuese, kundër vullnetit të opozitës e cila pret që shumica të tërhiqet nga formulimi i nenit 88 që siç thotë ajo shkon ne kundërshtim me rekomandimet e Venecias dhe cenon pavarësinë e sistemit.
Kryetari i Partisë Demokratike i pyetur të martën për reformën në drejtësi, dha këtë përgjigje: Lajm tjetër do t’ju japim në kohën e duhur!/Ora/a.m.
