Një ditë para mbeldhjes së Komisionit të Posaçëm për Reformën në Drejtësi, në partinë e dytë më të madhe të koalicionit qeverisës vijojnë lëvizjet dhe takimet e shpeshta konsultative.
Në ambjentet e kryesisë së Kuvendit, kryetari i LSI Ilir Meta ka pritur në një takim ministrin e Drejtësisë Ylli Manjani, kryetarin e Komisionit të Siguirsë Kombëtare Spartak Braho dhe ish-ministrin e Drejtësisë Nasip Naço.
Në këtë takim, temë kryesire e diskutimit pritet të jetë qëndrimi që do të mbajë Lëvizja Socialiste për Integrim ditën e nesërme në Komisionin e Posaçëm të Reformës.
Më herët kjo forcë politike i ka bërë thirrje opozitës të bëhet pjesë e procesit, dhe është shprehur për një Reformë gjithëpërfshirëse konsensuale.
Nuk dihet nëse LSI do të kërkojë ende kohë për miratimin e Draftit, derisa opozita të bëhet pjesë e procesit.
Takimi i nesërm i Komisionit të Posaçëm të Reformës do të ketë në fokus diskutimin e Draftit të Reformës, i cili është hartuar nga Grupi i Ekspertëve të Nivelit të Lartë, por pa praninë e përfaqëeusve të opozitës.
