Kryetari i Partisë Demokratike Lulzim Basha dha një deklaratë për mediat pas mbledhjes së grupit të deputetëve të forcës politike që ai drejton. Mbledhja u mbajt pas një takimi me aleatët, ku dhe u diskutua një propozim i ri I demokratëve për implementimin e rekomandimit 88 të Venecias. Basha deklaroi se propozimi i ri, për të cilin mediat kanë zbarhdur disa detaje, do të shpaloset i plotë ditët në vijim. Ai kërkoi nga kryeminsitri Rama ta prnaojë këtë variant, si një variant kundër kapjes së drejtësisë.
“Insistojmë deri në fund që materiali Venecias të integrohet me draftin kushtetues. Nëse kjo dështon ka vetëm një dështues, ky është Edi Rama, përgjegjësia është vetëm e tij. Opozita e vendit ishte 1 mijë e një arsye për të mos u futur, por ne në fakt u investuam për reformën dhe rruga e Ramës ëhstë të pranojë formulën e kompromisit. Ky është propozimi i tretë që opozita bën. Edi Rama vijon të mos pranojë nga frika që ka për reformën në drejtësi. Opozita ka dhënë një zgjidhje të pranueshme. Rama ka vetëm qëllim të drejtojë gishtin te opozita në 21 Korrik, por gishtin ja ka “prerë” Bilali. Formulën do ta bëjmë publike ditët në vijim, në mënyrë që qytetarët të njihen”, tha Basha.
I pyetur nga gazetarët në lidhje me zërat që flasin për kundërshtimin nga ana e demokratëve e Operacionit Ndërkombëtar të Monitorimit, që do të bëjë verifikimin e pastërtisë së gjyqtarëve e prokurorëve, Basha dha këtë përgjigje.
“Ne kemi qenë për atë që ka ngarkuar Venecia. Operacioni Ndërkombëtar i Monitorimit duhet të bëhet sipas udhëzimeve të Venecias”, deklaroi Basha./a.m.
