Deklaratat në Samitin e Sofjes nga Vuçiqi se dëshiron ta zgjidhë problemin me Kosovën, po i përkrahin edhe kundërshtarët e tij në Serbi. Vuk Drashkoviq ish-ministër i jashtëm dhe tani lider i Lëvizjes për Ringjalljen Serbe, po thotë se Vuçiqi po i paraqet qëndrimet reale për Kosovën.
Drashkoviq ka thënë se Kosova është e humbur, prandaj ka daluar kundër referendumit, transmeton lajmi.net.“Vuçiq na e kujton me kujdes, pasi e di edhe ai se Kosova është e humbur, kjo është një luftë që ne e kemi nënshkruar, pra nuk ka shtet të Serbisë në Kosovë.
Vendosi edhe Gjykata Ndërkombëtare e Drejtësisë se ky vendim nuk është në kundërshtim me Kartën e Kombeve të Bashkuara”, tha ai.Drashkoviq ka theksuar se qëndrimi i tij kundër referendumit për Kosovën, është pasi serbët nuk po i njohin faktet dhe po e cilësojnë Kosovën pjesë të Serbisë.
“Unë mendoj se kjo duhet të shmanget, pasi njerëzit nuk e dinë aspak, pra nuk i njohin faktet. Pra njerëzit mendojnë se Kosova është pjesë integrale e Serbisë”, theksoi Drashkoviq.
Ndryshe pikërisht për një zgjidhje me Kosovën, Vuçiq së fundi ka zhvilluar vizita në Gjermani, Turqi e Rusi. (b.an)
