Drama “Peng” shkruar dhe me regji nga Saimir Gongo vjen si premierë te “arTurbina” për publikun kryeqytetas.
Kjo vepër shqiptare bashkon në role aktorët e Teatrit Kombëtar dhe teatrit “Aleksandër Moisiu” të Durrësit.
Drama shqiptare “Peng” sjell ngjarjet që zhvillohen në shoqërinë tonë në ditët e sotme, ku në qendër të veprës është një familje e cila trajtohet në dy linja. E para, që trajton raportet e televizionit me shoqërinë tonë, dhe linja e dytë në shfaqje është një individ, që përpiqet të gjejë vendin e vet. Ai përpiqet të sistemojë jetën e tij mes vështirësive që ka vendi ynë.
Në role janë aktorët Neritan Liçaj, Olta Gixhari, Amos Zaharia, Suela Dako, Ervin Doko dhe Jaho Guma nga teatri i Durrësit, si dhe dy aktorë të jashtëm të teatrit që janë Kastriot Shehi dhe Erion Hodo, që është edhe asistent regjisor. Në shfaqje janë disa personazhe kryesore, mes tyre Justin interpretohet nga aktori i njohur Neritan Liçaj.
Shfaqja do rrugëtojë para premierës së datës 24 shtator në Tiranë dhe në teatrin “Aleksandër Mosiu” në Durrës.
/b.d
