Ministri i Mirëqënies Sociale Erion Veliaj si një nga nismëtarët për projekligjin e qeverisë për hapjen e dosjeve e cilësoi si të domosdoshme këtë ligj për të bërë transparencë për të shkuarën dhe krimet e komunizmit.
Duke bërë një paraqitje të projektligjit në fjalë, Ministri Veliaj tha se çdo viktimë e komunizmit do të ketë akses për të kontrolluar dosjet kundër tyre.
Veliaj theksoi se me këtë projektligj, mbyllet edhe mandati i tij si ministër për t’u përqëndruar në punën e tij si kandidati i mazhorancës për bashkinë e kryeqytetit, ndërsa shtoi se hapja e dosjeve do t’i japë fund përdorimit të tyre për shantazh politik.
“I nderuar që e mbyll në Kuvend me prezantimin e pr/ligjit për hapjen e dosjes. Dua të falënderoj partnerët tanë, kryesisht Gjermaninë, për mbështetjen që i kanë dhënë Shqipërisë. Pr/ligji një nga më të mirët që kemi pasur. Falenderoj mbështetjen e OSBE që vlerësoi publikisht ligjin. Si përfaqësues i një brezi që nuk e ka përjetuar drejtpërdrejti komunizmin. Jemi i vetmi vend bashkë me Rusinë që nuk kemi bërë transparencë për krimet e komunizmit. Mund t’ia linim një brezi të ri që do ta shikonte komunizmin vetëm si histori e së kaluarës. Të respektojmë të drejtën e çdo viktime të komunizmit për të njohur të vërtetën. Viktimat e komunizmit do të kenë akses për të kontrolluar dosjet kundër tyre. Pr/ ligji parashikon hapjen e dosjeve për mediat. Kjo transparencë kërkon përgjegjësinë që çdo zyrtar të bëjë publik përfshirjen e tyre. Çdo nisëm tjetër që kalon caqet e përcaktuara nga ky pr/ligji do të përbënte thjesht një spekulim politik dhe do të ishte mënyra më e mirë për ta sabotuar. Do të menaxhohet me kujdes arkiva. Do të mbyllen njëherë e mirë përdorimi i këtyre dosjeve për shantazh politik. Ti japim njëherë e mirë fund kësaj sharange. Dua t’iu falënderoj për bashkëpunimin, falënderoj kreun e kuvendi. Falenderoj ato komisione ku kemi pasur shumë punë. Falenderoj Erjon Bracen, Fatmir Xhafën. Me gjithë vërejtjet që kemi pasur i kemi qëndruar strikt draftit. Shqipëria ka nevojë për më shumë punë dhe më pak baltë”- tha Veliaj.
Redaksia Online
(JavaNews.al)
