Ministri i Brendshëm Bledi Çuçi është shprehur se dosja për Klodian Rashën që u vra nga një efektiv policie shumë shpejt do të shkojë në gjykatë.
“Në rastin e Klodianit mund t’ju them që dosja penale për vrasjen e Klodianit do të shkojë në Gjykatë shumë shpejt nga Prokuroria.
Mund tju them që 90 përqind e dosjes që ka prokuroria është shqyrtuar nga SHÇBA, që është strukturë e Ministrisë së Brendshme. Procedurialisht është e mbyllur me prova shkencore”, tha Çuçi në nje emision televiziv.
Në lidhje me dhunën e ushtruar nga polciia te Teatri Kombëtar, ministri tregoi se janë 5 dosje në prokurori, ndërsa shtoi se edhe ai nuk ndjehet komod kur ka përplasje mes policisë dhe qytetarëve.
“Mos kujtoni se unë si Ministër i Brendshëm apo si politikan apo qytetar ndjehem komod kur shikoj skena të përplasjes së policisë me qytetarët.
Në lidhje më përcaktimin se sjellja e policisë është në tejkalim të kompetencave apo jo, këtë e vendosin insitucionet përgjegjëse që ka shteti.
Nga ajo ngjarje janë 5 dosje në Prokurorinë e Tiranës që po shqyrtohen.
Dhe një ndihmë të madhe ka dhënë organizma brenda Ministrisë së Brendshme për të ndihmuar prokurorinë”, u shpreh ministri.
g.kosovari
