Avokati paralajmëroi deponime kundër Berishë, Izet Haxhia merret ne pyetje me orë të zgjatura shoqëruar për t’u pyetur në lidhje me veprat penale për të cilat akuzohet për vrasjen e ish deputetit Demokrat Azem Hajdari.
Gazetarja e Report TV, Xhensila Kodra, raporton se burime pranë Prokurorisë për Krime të Rënda konfirmojnë se marrja në pyetja e Haxhisë ka vijuar edhe sot dhe ka nisur që në orën 8, ndërsa marrja ne pyetje do të vijojë deri rreth orës 15:00. Haxhia është pyetur disa herë në pyetje, me orë të zgjatura, nga OPGJ përgjatë javës së fundit.
Marrja e shpeshtë e Haxhisë në pyetje vjen pas përplasjeve së dy gjykatave, asaj për Krime të Rënda dhe Penales së Tiranës në lidhje me kompetencat e veprave penale të dosjes “Hajdari”. Përfundimisht dosja ka kaluar tek Krimet e Rënda në shtator të këtij viti.
Përveç seancave të marrjes në pyetje, Krimet e Rënda nuk mund të vijojnë me procesin gjyqësor, deri në momentin kur Gjykata Supreme të marrë një vendim përfundimtar në lidhje me gjykatën kompetente.
Ndërkohë avokati i Izet Haxhisë, Idajet Beqiri ditët e fundit ka thënë se klienti i tij, do të fillojë deponimet kundë ish kryeministrit Sali Berisha.
Për vrasjen e Azem Hajdarit, Izet Haxhiaj një nga tre të dënuarit ka fituar të drejtën e rigjykimit dhe procesi për të është hapur nga e para. Një tjetër kërkesë e rrëzuar Haxhisë ishte edhe ajo për përjashtimin e trupës gjykuese për të cilin avokati thotë se kërkojnë gjykatës me vetting të kaluar.
Izet Haxhiaj i cili u ekstradua nga Turqia pak muaj më parë u dënua në mungesë me 25 vite për vrasjen e Azem Hajdarit, ndërsa Jahi Sali Mulosmani është i dënuar përjetë për të njëjtin krim. Izet Haxhia ka qenë truprojë e Sali Berishës, deri në vitin 1998 gjatë kohës që Berisha ka mbajtur postin e Presidentit të Republikës. Ai është dënuar në mungesë me 25 vjet heqje lirie për vrasjen e ish-deputetit të Partisë Demokratike, Azem Hajdari. Pas vrasjes së Hajdarit, Haxhia u arratis për të qëndruar afro dy dekada në Turqi nga ku dhe ekstradua më 8 Maj 2018.
Pas mbërritjes në Tiranë ai kërkoi rivendosje në afat dhe rigjykim, kërkesa të cilat u pranuan dhe procesi ndaj tij është rihapur më një tjetër trupë gjykues në Dhomën Penale të kryeqytetit.
g.kosovari
