Shtyhet seanca gjyqësore ndaj deputetit Ervin Salianji. Gjykata ka vendosur që seanca do të mbahet të hënën e 18 korrikut, në orën 14.00.
Shkak i shtyrjes u bë mos formimi i trupës gjyqësore, pasi gjyqtarja Elona Toro ka dyshime se mund të jetë me Covid-19. Gjithashtu edhe mungesa e avokatëve për shkak të bojkotit pas vendimit për të dalë kunder hartes se re gjyqesore.
Deputeti demokrat është shoqëruar nga një grup deputetësh të PD-së, si Flamur Noka, Saijmir Korreshi, Elda Hoti, Belind Këlliçi. Kurse gazetari Jetmir Olldashi nuk ishte prezent gjatë seancës së sotme.
Deputeti Ervin Salianji dhe gazetari Jetmir Olldashi u shpallën fajtorë nën akuzën e ‘kallëzimit të rremë’ lidhur me inskenimin e audio-përgjimit me qëllim përfshirjen e vëllait të ish-ministrit të Brendshëm Fatmir Xhafaj në trafikun e drogës. Gjykata Penale vendosi 1 vit burgim për ish-deputetin Salianji me akuzën e kallëzimit të rremë kryer në bashkëpunim.
Në apel e ka çuar çështjen dhe gazetari Jetmir Olldashi, i cili u dënua me 6 muaj burg të konvertuar në 100 orë shërbim komuniteti. Nëse Apeli do të konfirmojë vendimin e Shkallës së Parë atëherë deputeti Salianji, rrezikon burgun.
g.kosovari
