Gjykata e Lartë ka rrëzuar kërkesën e Ilia Çabirit për ndryshimin e masës së sigurisë të arrestit me burg. Çabiri kërkoi shpalljen e pavlefshme të përgjimeve të Prokurorisë, kërkesë e cila u rrëzua nga Gjykata. Ilia Çabiri, Petraq Dashi dhe Eleni Lino akuzohen se i kanë paguar 50 mijë euro gjyqtares Majlinda Andrea për një vendim pronësie. Sipas Prokurorisë, Petraq Dashi shërbente si ndërmjetës, ndërsa dy personat e tjerë, përkatësisht Ilia Çabiri dhe Eleni Lino ishin palë në procesin gjyqësor për një sipërfaqe toke prej 40 hektarësh në Butrint të rrethit të Sarandës. Eleni Lino po hetohet në masën arrest shtëpie, ndërsa dy të parët janë në arrest me burg.
ma.me
