Hetimet e atentatit ndaj deputetit Doshi, janë mangëta dhe ato janë devijuar ndërsa dëshmia e Durim Bamit është dhënë në kushtet e kërcënimit. Ky është pretendimi i avokatëve mbrojtës të Doshit, të cilët së bashku me deputetin kanë qëndruar për 6 orë në ambientet e Prokurorisë së Përgjithshme.
Prania e Doshit në ambientet e akuzës këtë të mërkurë mësohet se është bërë me kërkesë të deputetit.
Avokatët e deputetit Tom Doshi shprehet se hetimet janë të mangëta. Në një prononcim për mediat avokatët theksuan se në seancën e sotme u njohën me aktet e hetimit paraprak. Sipas avokatëve prokuroria justifikohet me akte.
“Kemi parashtruar një sërë kërkesash, si kryerjen e veprimeve të rëndësishme hetimore, lidhen me persona të akuzuar publikisht persona që kanë ndërhyre në hetimin e çështjes duke e devijuar atë. Për momentin mendoj mos them cilat janë këto veprime por do i bëjmë publike pasi të marrim përgjigje nga prokuroria.” u
shprehën avokatët.
Më tej ata sqaruan se disa persona kanë ndërhyrë në hetimin e çështjes dhe sipas avokatëve këta persona duken në një video të filmuar në aeroportin e Hanoverit
“Nuk do të jetë mbyllja e hetimeve kaq shpejt sepse prokuroria duhet ti përgjigjet kërkesave tona dhe ka për të bërë edhe shumë veprime të tjera që janë në funksion të hetimit të çështjes. Jemi akoma më të bindura që akuza që i bëhet deputetit Doshi është e pa drejtë dhe ato prova e tregojnë qartë këtë bindje tonën.” thanë avokatët
Në lidhje me atentatin Prokuroria e Përgjithshme ka marrë të pandehur deputetët Doshi e Mark Frroku si dhe 36-vjeçarin nga Fushë Kruja Durim Bami me akuzën e kallëzimit të rremë.
Redaksia Online
(JavaNews.al)
