Mats Hummels edhe zyrtarisht do të largohet nga Borussia Dortmundi gjatë verës. Lajmi është konfirmuar në faqen zyrtare të klubit të Borussia Dortmundit, të cilët gjithashtu kanë treguar se gjermani dëshiron të lëvizë në ekipin e Bayern.
“Mats Hummels ka kërkuar nga klubi që ta lënë të lirë dhe t’i bashkohet Bayern Munichut gjatë verës. Bordi drejtues i Dortmundit ka vendosur që ta lë të lirë lojtarin nëse bavarezët ofrojnë shifrën e duhur për Hummelsin.
Deri më tani Bayerni nuk ka dërguar ofertë zyrtare në adresë të Dortmundit”, shkruhet ndër të tjera në sajtin zyrtar të klubit, referuar nga Express.
