Gjatë muajit shkurt, në kuadër të fushatës “Shqipëria pa armë”, janë dorëzuar 600 armë, 671 granata, mina predha dhe mbi 207.000 municione.
Këtë e bëri të ditur ministri i Brendshëm Saimir Tahiri përmes një njoftimi në rrjetin social “Facebook”. Duke falënderuar qytetarët që janë përfshirë në këtë fushatë, Tahiri tha se “ky është kontribut i jashtëzakonshëm për Shqipërinë që duam”.
“Politika e Tiranës merret me çadra, bllokime e intriga. Qytetarët, bashke me ne, po bëjnë punë për të bërë shtet. Siç po bëjmë shtet, do të bëjmë edhe ekonominë, edhe punësimin, edhe të ardhmen”, shkruan Tahiri./b.d
