Ai ishte një ndër figurat qëndrore të së majtës evropiane, ishte në garë për të qenë kancelar i një prej vendeve më të fuqishme të BE, Gjermanisë, por tashmë duket se karriera e tij politike po perëndon. Bëhet fjalë për kreun e social-demokratëve gjermanë (SPD) Martin Schulz, një prej emrave më të njohur të së mjatës në politikën evropiane.
“Largohem pa hidhërim”, deklaron Schulz në mesazhin e dorëheqjes. Dorëheqja e tij vjen pas debateve të ashpra që përfshinë këtë parti e cila konfirmoi edhe njëherë aleancën me CDU-në e Merkel. Fillimisht u raportua se Schulz do të bëhej Ministër i Jashtëm në qeverinë e re, por kritikat brenda partisë që e akuzonin Schulz se po luftonte për interesa personale bënë që ai të tërhiqej nga ai post shkruan JavaNews.
Tashmë, ai largohet edhe nga drejtimi i partisë, duke shkuar drejt fundit të karrierës politike. Në pak muaj, nga ëndrra për kancelar, Schulz duket se po prek fundin në politikë. Ndërkohë, pasuese në krye të SPD pritet të jetë një femër. Bëhet fjalë për Andrea Nahles. Kongresi zjgedhor i partisë pritet të mbahet në Prill dhe nuk dihet se kush do drejtojë deri atëherë.
Ndërkohë pritet që kandidatja favorite Nahles të ketë përballë kryetarin e Bashkisë së Flensburgut, Simone Lange edhe pse ky i fundit duket të ketë pak shanse. Rezultati zhgënjyes i SPD në zgjedhje, e cila jo vetëm nuk arriti të sigurojë fitoren, por humbi edhe më tej elektorat, duket se po i mbyll karrierën një prej emrave qëndrorë të së majtës, Martin Schulz./JavaNews/a.m.
