Të gjithë 34 peshkopët katolikë të Kilit i kanë ofruar dorëheqjen e tyre Papa Françeskut, pas skandalit për abuzimeve seksuale të fëmijëve dhe më pas fshehjes së tyre. Ata kanë kërkuar falje nga viktimat dhe Kisha për “gabimet e mëdha dhe lëshimet”. Tridhjetë e një peshkopë shërbyes dhe tre peshkopë në pension nënshkruan një letër të dorëheqjes të premten.
“Ne i kemi vënë qëndrimet tona në duart e Atit të Shenjtë dhe do ta lëmë atë të vendosë lirisht për secilin prej nesh”, thanë ata. “Ne duam të kërkojmë falje për dhimbjet që u shkaktohen viktimave, papës, popullit të Perëndisë dhe vendit tonë për gabimet dhe mosveprimet serioze që kemi bërë”. Nuk kishte asnjë reagim të menjëhershëm nëse Papa do të pranonte dorëheqjet e tyre apo jo.
Ai ishte kritikuar në Kili për vendimin e tij për të caktuar një peshkop që akuzohet për mbulimin e abuzimit seksual të kryer nga një prift.
Papa i thirri peshkopët në një samit të jashtëzakonshëm tre-ditor në Romë pasi u detyrua të pranonte se kishte bërë “gabime të rënda në gjykim” në rastin e Juan Barros, një peshkop i akuzuar për mbulimin e abuzimit të supozuar nga një prift kilian, Fernando Karadima, në vitet ’80 dhe ’90.
Kisha kiliane është tronditur nga akuzat e abuzimit nga Karadima dhe të tjerët, dhe nga pretendimet që figurat e larta e dinin ose madje dëshmonin se çfarë po ndodhte.
Tani 87 vjeç dhe duke jetuar në një shtëpi pleqsh në Kili, Karadima gjithmonë i ka mohuar akuzat. Barrosi ka thënë se nuk ishte në dijeni për ato që fliteshin dhe hodhi posht akuzat.
Papa e mbrojti me forcë Barros gjatë një vizite në Kili në janar, duke akuzuar Karadimas për shpifje. “Nuk ka asnjë provë kundër Barros. Është shpifje”, tha ai. Papa tha në janar se ai ndjeu “dhimbje dhe turp” për skandalin, i cili ka tronditur Kishën Katolike në Kili. Peshkopët ofruan dorëheqjen e tyre me letër pas tri ditë bisedimesh krizash në Vatikan, gjatë së cilës Papa u dha atyre një dokument prej 10 faqesh duke akuzuar hierarkinë e Kishës për neglizhencë në Kili për rastet e abuzimit seksual. “Askush nuk mund ta lirojë veten dhe ta vendosë problemin mbi supet e të tjerëve”, tha Françesku në një letër drejtuar peshkopëve. Kjo është hera e parë që të gjithë krishterët e lartë në një vend kanë ofruar të lënë detyrën, përgatiti “TemA TV”. (b.an)
