Presidenti i Republikës, Ilir Meta, ka komentuar në një intervistë per mediat dorëheqjen e Visho Ajazi Likës nga kreu i SHISH. I pyetur për faktin nëse Presidenti e ka dekretuar emërimin e drejtorit të ri të SHISH, Meta është shprehur se nuk ka ndonjë urgjencë për dekretimin e tij.
“Dorëheqja e Ajazit, për mua ishte e papritur. Në natyrën time si gjithmonë në krye të institucioneve kam respektuar parimin e bashkë fqinjësisë. Dhe në rastin konkret, që bëhet fjalë për një institucion të një rëndësie të veçantë. Kam qenë i bindur që vazhdimësia gjithmonë është pozitive. Një javë më parë e kam garantuar zotin Ajazi që ai do të kishte mbështetjen time të plotë për të vazhduar të detyrën e tij në luftën kundër krimit të organizuar. Ai ka falënderuar për besimin dhe kjo ka qenë thjesht për të konfirmuar dhe vazhdimësinë. Bëra një garanci dhe mbështetjen, pasi e ka pasur. Nuk mbaj dot njeri pa dëshirë në funksione. Dekreti për emrin e ri? Nuk ka ngut dhe do ta shqyrtoj me qetësi”, deklaroi Meta, për gazetarin Çim Peka.
I pyetur nëse do ta firmoste shkarkimin e Visho Ajazit, Meta tha se Rama nuk ia kishte kërkuar diçka të tillë. I vetmi kontakt me kryeministrin ishte kur ky i kishte vënë në tryezë dorëheqjen e Visho Ajazit.
Meta: Nuk kam patur asnjë kontakt me Prokurorinë për çështjen ‘Habilaj’
Presidenti i Republikës, Ilir Meta, është shprehur se nuk ka pasur asnjë kontakt me Prokurorinë sa i përket informimin për çështjen ‘Habilaj’.
Meta është shprehur se nuk ka dashur të informohet pasi kjo është çështje me të cilën po merret organi i akuzës.
Megjithatë ai ka shprehur mbështetjen brenda rolit të tij kushtetues për të gjithë institucionet në punën e tyre.
ma.me
