Konsultat mjekësore janë duke u zhvilluar online nga mjeku i familjes në këtë kohë kur njerëzit janë të izoluar në shtëpi dhe rreziku i infektimit nga koronavirusi është i lartë. Mjekët e familjes përmes konsultimeve online janë duke zgjidhur shqetësimet kryesore të pacientëve që nga rimbursimi i barnave diagnostikimin, triazhimin dhe trajtimin e pacientëve, pa patur nevojë që qytetarët të paraqiten në qendrat shëndetësore.
Madje dhe thirrjet e autoriteteve shëndetësore kanë qenë të shumta ku u kërkojnë qytetarëve të mos paraqiten menjëherë në urgjencë apo mjekun e familjes në mënyrë që të shmanget sa më shumë rreziku i infektimit.
Aktualisht në të gjithë vendin janë 1600 mjekë familje që ofrojnë online konsultat e tyre.
Deri në këto momente, që kur vendi është në karantinë dhe në luftë me COVID-19, janë realizuar 40 348 konsulta online me mjekun e familjes. /e.s/
