Prokuroria e antidopingut ka kërkuar skualifikim 4 vjeçar për Paul Pogba, i cili rezultoi pozitiv me doping pas ndeshjes Udinese-Juventus të 20 gushtit. Nga analizat e kryera rezultoi se mesfushori francez kishte përdorur substancën e “Dehidro-piandro-steron”.
Kjo substancë rrit performancën atletike të një sportisti. Lojtari u pezullua më 12 shtator, ndërkohë që edhe analizat e dyta të 6 tetorit konfirmuan se ai kishte përdorur subsantaca të palejuara.
Mes instituciuoneve sportive dhe lojtarit nuk do të ketë asnjë pakt për pranimin e fajësisë dhe mesfushori francez do të shkojë në gjyq në Gjykatën Kombëtare Antidoping.
Rreth 20 ditë më parë agjentja e tij Rafaela Pimenta tha se po përgatiteshin për të apeluar. Gjyqi është përcaktuar që të nisë pas rreth një muaji e gjysmë.
Me marrëveshjen për pranimin e fajësisë nuk do të kishte pasur mundësi apelimi, ndërsa në këtë rast mund të hyjë në lojë edhe CAS i Lozanës/m.j
