Prej dy orësh në të gjitha mediat po qarkullonin lajme se Partia Socialiste kishte manipuluar procesin e votimit më 30 qershor, pasi në disa bashki nga Veriu në Jug nga kutitë po dilnin më shumë vota për kryebashkiakët sesa votues të shpallur në listën e KQZ-së në orën 19:00.
Ky konstatim përbënte një skandal për procesin, por që lidhej me hije të forta dyshimi sesa në të vërtetë ishte i tillë.
Dhe tashmë është konfirmuar se alibia që u ngrit nga Partia Demokratike rrëzohet.
“Sipas dokumenteve të lëshuara nga KZAZ rezulton të jetë një rezultat i saktë. Ajo që di unë është ky dokument. Në asnjë mënyrë nuk është shtuar asnjë votë shtesë. Emri im s’do të përlyhet për asnjë votë më tepër”, tha Juliana Memaj teksa u tregoi gazetarëve procesverbalët e firmosur nga anëtarët e KZAZ-së.
Ndërkohë, menjëherë pas saj foli për media zëdhënësja e KQZ-së, Drilona Hoxha, e cila sqaroi se “të dhënat janë marrë me telefon” dhe ai i orës 19:00 ishte një informacion paraprak ku mund të kishte gabime.
Zyrtarisht Juliana Memaj në bashkinë e Urës Vajgurore ka fituar me 7666 vota, ndërsa në total aty kanë votuar 8026 qytetarë, edhe sipas raportit të OSBE-së.
Ndërkohë, gazetarët e pyetën Memën për fitoren e saj në vitin 2015 ku kishte një rival në garë dhe ajo tha: “Me 9600 vota si person në 2015 që do të thotë dy mijë vota më pak. Do të isha shumë e ndëruar po të kisha garë dhe do kisha dalë shumë më mirë”.
g.kosovari
