Ministri i Jashtëm, Ditmir Bushati në seancën dëgjimore në Komisionin e Jashtëm ka thënë se për Artur Meçollarin, një prej negociatorëve me Greqinë ka marrë nga NATO çertifikatën e sigurisë.
“Thatë që për disa njerëz janë ngritur akuza. Po pse ky është modeli i shtetit shqiptar të shek XXI që ju i besoni më shumë Nea Demokracinë sesa shtetin tuaj?! Atëhere ja po ju them unë për Artur Meçollarin. Ja ku është çertefikatë për informacionin e klasifikuar NATO Cosmic, ministrja e Mbrojtjes që ka qenë 4 vjet në detyrë e di ca është NATO Cosmic. Meqë kam dëgjuar disa jovertebrorë në media që thonë ca është DSIK që ska informacione të klasifikuara se është në funksion të Edi Ramës. Po NATO në kontroll të Edi Ramës është, që i ka dhënë këtij çertifikatën e sigurisë?! NATO Cosmic është informacionq ë e kanë vetëm një rreth i ngushtë zyrtarësh. Ja çertifikata e sigurisë për këtë person, e DSIK, ja dhe çertifdikata e Stoltembergut për këtë person”, deklaroi Bushati
Kolonel Artur Meçollari është akuzuar nga ish kryeministri Sali Berisha si spiun duke kërkuar largimin e tij nga grupi me 12 negociatorë që Shqipëria pritet të bisedojë me Greqinë për kufirin detar.
Mësohet se Artur Meçollari krahas certifikatës së sigurisë shqiptare DSIK, disponon edhe certifikatën e sigurisë së NATO-s e quajtur Cosmic Top Secret.
Artur Meçollari mban gradën kapiten i rangut të parë dhe është Drejtor i Inspektimit të Përgjithshëm në Ministrinë e Mbrojtjes
a.ç
