Koalicioni “Bashkë Fitojmë” ka ankimuar në Komisionin Qendror të Zgjedhjeve rezultatin në bashkinë e Maliqit. Në dokumentin e dorëzuar pranë KQZ, ky koalicion pretendon se ka pasur parregullsi në fletët e votimit që janë numëruar.
Sipas ankimit fletët e votimit që duhet të shpalleshin të pavlefshme pasi kishin probleme me vulat, janë përfshirë në rezultat.
“Nuk përputhet numri i zgjedhësve me fletët e përdorura, me renditjen sipas pajisjes elektronike të identifikimit të personave me fletët e marra në dorëzim për disa qendra votimi: 3789, 3790, 3792, 3795, 8313, 3815, 3816.
Numri i fletëve të përdorura është më i vogël se diferenca e numrit të fletëve të marra në dorëzim, me numrin e gjendur në kuti dhe numërimin e fletëve të dëmtuara në disa QV: 3822, 3823/1, 3824, 3826, 3827, 3827/1, 3828″.
Sipas “Bashkë Fitojmë”, këto parregullsi kanë ndikuar në rezultatin e thellë përfundimtar të Kryetarit të Bashkisë.
Kujtojmë që në bashkinë Maliq, Gëzim Topçiu i PS fitoi një tjetër mandat pasi grumbulloi 13592 vota, kurse kundërshtari nga “Bashkë Fitojmë” Alfred Gega mori 6886 vota./m.j
