Nuno Campos, ish doktori i përfaqësueses së Portugalisë, e ka paralajmëruar Cristiano Ronaldon që të jetë i kujdesshëm me lëndimin që ka pësuar.
Cristiano Ronaldo duhet të pushoj të paktën tre javë, për ta kaluar lëndimin që ka pësuar, ose në të kundërtën rrezikon të mos paraqitet në Euro 2016. Kështu mendon ish doktori i përfaqësueses së Portugalisë, Nuno Campos.
Ronaldo ishte lënduar në ndeshjen ndaj Villarrealit, derisa deri më tani ka mbetur jashtë fushës në tri ndeshjet e fundit të Real Madridit.
“Nëse diagnoza është me të vërtetë, atëherë nevojitet pushim mes 18 dhe 21 ditëve”, ka deklaruar ai për gazetën portugeze Record. (B.an)